மொன்றியல் நகருக்குத் தெற்கே அமைந்துள்ள மொன்டேரேஜி (Montérégie) பகுதியில் உள்ள ஒரு முகாம் தளத்தில் (Campground) பழமையான ‘கிரனேட்’ ரக கைஎறி குண்டு (Grenade) ஒன்று கண்டெடுக்கப்பட்டுள்ளது.
இதனை அடுத்து, அங்கு ஆயுதப் படைகள் (Canadian Armed Forces) விரைந்து வரவழைக்கப்பட்டன.
இச்சம்பவத்தையடுத்து, முன்னெச்சரிக்கையாக முகாம் தளத்தில் பாதுகாப்பு வளையம் அமைக்கப்பட்டு, அங்கு தங்கியிருந்த பொதுமக்கள் வெளியேறுவதற்கும் நுழைவதற்கும் தற்காலிகத் தடை விதிக்கப்பட்டது.
கியூபெக் மாகாணப் பொலிஸ் (Sûreté du Québec – SQ) செய்தித் தொடர்பாளர் லூயிஸ்-பிலிப் ருயெல் (Louis-Philippe Ruel) வழங்கிய தகவலின்படி, புனித பெர்னார்ட்-டி-லகோல் (St-Bernard-de-Lacolle) பகுதியில் உள்ள ‘லாக் கிரிஸ்டல்’ (Lac Cristal) முகாம் தளத்தின் கட்டிடம் ஒன்றின் அருகே நபர் ஒருவர் துப்புரவுப் பணியில் ஈடுபட்டிருந்தபோது இந்த வெடிபொருள் தற்செயலாகக் கண்டெடுக்கப்பட்டுள்ளது.
அது உண்மையான வெடிபொருளா அல்லது செயலிழந்த ஒன்றா என்பதை உடனடியாக உறுதிப்படுத்த முடியாமையால், பொலிஸார் ஆயுதப் படைகளின் உதவியை நாடியுல்ளனர்.
சம்பவ இடத்திற்குத் கனடிய ராணுவத்தின் சிறப்பு வெடிபொருள் அகற்றும் பிரிவு (Explosives Disposal Team) அனுப்பி வைக்கப்பட்டதாக கனடிய ஆயுதப் படைகளின் செய்தித் தொடர்பாளர் அபிகேல் போர்கோல்ட்-லெவெஸ்க் (Abygail Bourgault-Lévesque) உறுதிப்படுத்தினார்.
அமெரிக்க எல்லைக்கு அருகில் அமைந்துள்ள இந்த முகாம் தளத்தில் வெடிபொருள் அகற்றப்படும் பணிகள் தீவிரமாக முன்னெடுக்கப்பட்டு வருவதோடு, இதனால் எவருக்கும் காயங்களோ அல்லது அசம்பாவிதங்களோ ஏற்படவில்லை எனவும் உறுதிப்படுத்தப்பட்டுள்ளது.
