கியூபெக் (Quebec) மாகாணத்தில், அவசரமில்லாத மருத்துவ ஆலோசனைகளுக்காகவும் வழிகாட்டல்களுக்காகவும் செயற்படும் ‘இன்ஃபோ-சாந்தே 811’ (Info-Santé 811) தொலைபேசிச் சேவையில் செவிலியர்களைத் தொடர்புகொள்வதற்கான காத்திருப்பு நேரம் முன்னெப்போதும் இல்லாத வகையில் கணிசமாக அதிகரித்துள்ளது.
ஊழியர் பற்றாக்குறை மற்றும் அழைப்புகளின் எண்ணிக்கை அதிகரிப்பு காரணமாக நோயாளிகள் மணித்தியாலக் கணக்கில் காத்திருக்க வேண்டிய சூழல் ஏற்பட்டுள்ளது.
‘சாந்தே கியூபெக்’ (Santé Québec) சுகாதார அமைப்பின் அண்மைய செயல்திறன் தரவுகளின்படி, கடந்த ஒரு செவிலியருடன் பேசுவதற்கான சராசரி காத்திருப்பு நேரமானது கடந்த ஜூலை மாதம் 14 ஆம் திகதி அன்று உச்சகட்டமாக 98 நிமிடங்களை எட்டியுள்ளது.
கியூபெக்கில், அவசரமில்லாத மருத்துவ ஆலோசனைகளுக்காக இயங்கும் ”811 தொலைபேசிச் சேவைக்கான” காத்திருப்பு நேரம் கடந்த சில ஆண்டுகளாகவே தொடர்ந்து அதிகரித்து வருகிறது.
இதேவேளை, ஆங்கில மொழியில் மருத்துவ ஆலோசனைச் சேவை பெற விரும்புவோர், இருமொழி பேசும் செவிலியர்களின் பற்றாக்குறை காரணமாக மேலும் 10 நிமிடங்கள் வரை கூடுதலாகக் காத்திருக்க வேண்டியுள்ளமை குறிப்பிடத்தக்கது.
