மொன்றியல் மாநகரத்தின் தானியங்கி இலகுரக ரயில் சேவையான REM (Réseau express métropolitain), வார இறுதி நாட்களில் தனது சேவைகளை வழக்கத்தை விடத் தாமதமாக ஆரம்பிக்கவுள்ளதாக அறிவித்துள்ளது.
கோடைகால விசேட பராமரிப்பு மற்றும் விரிவாக்கப் பணிகள் காரணமாகவே எதிர்வரும் சனிக்கிழமை முதல், இந்த ரயில் சேவைகள் தாமதமாக ஆரம்பிக்கப்படவுள்ளன.
மொன்றியல்–ட்ரூடோ சர்வதேச விமான நிலையத்திற்கான (Montréal -Trudeau International Airport) புதிய ரயில் பாதை இணைப்பு மற்றும் பராமரிப்புப் பணிகளுக்காகக் கூடுதல் நேரத்தைப் பெற்றுக்கொள்ளும் நோக்கில் இந்தத் தற்காலிக அட்டவணை மாற்றம் செய்யப்பட்டுள்ளது.
எதிர்வரும் 6 ஆம் திகதி தொடங்கும் இந்த புதிய நடைமுறை எதிர்வரும் ஓகஸ்ட் மாதம் 16 ஆம் திகதி வரை நடைமுறையில் இருக்கும் என, REM ரயில் சேவை வலையமைப்பை இயக்கும் பல்சர் (Pulsar) நிறுவனம் தெரிவித்துள்ளது.
