மொன்றியல் நகரின் மையப்பகுதியில் உள்ள ஒரு மதுபான விடுதிக்கு வெளியே இன்று அதிகாலை நிகழ்ந்த துப்பாக்கிச் சூட்டுச் சம்பவத்தில் இருவர் காயமடைந்துள்ளனர்.
வில்-மேரி (Ville-Marie) பகுதியில் உள்ள காய் (Guy Street) மற்றும் செயின்ட் – கத்தரின் வீதிகளின் சந்திப்பிற்கு அருகே இந்தச் சம்பவம் இடம்பெற்றுள்ளது.
அதிகாலை 1:45 மணியளவில் ஒரு குழுவினருக்கு இடையே ஏற்பட்ட மோதலைத் தொடர்ந்து துப்பாக்கிச் சூடு நடத்தப்பட்டதாகத் தெரியவருகிறது.
26 மற்றும் 38 வயதுடைய இரு ஆண்கள் உடலின் கீழ்ப்பாகத்தில் துப்பாக்கிக் குண்டு காயங்களுடன் மீட்கப்பட்டனர்.
காயமடைந்த இருவரும் உடனடியாக மருத்துவமனையில் அனுமதிக்கப்பட்டுள்ளனர்.
அவர்களின் உயிருக்கு ஆபத்து இல்லை எனத் தகவல் வெளியாகியுள்ளது.
மொன்றியல் காவல்துறையினர் சம்பவ இடத்துக்கு வருவதற்கு முன்னரே, துப்பாக்கிச் சூடு நடத்திய நபர்கள் அவ்விடத்திலிருந்து தப்பியோடியுள்ளனர்.
இக்குற்றச்செயல் தொடர்பில் இதுவரை எவரும் கைது செய்யப்படவில்லை எனத் தெரியவருகின்றது.
