கியூபெக் மாகாணத்தின் அடையாளமான ‘மேப்பிள் சிரப்’ (Maple Syrup) தயாரிப்பில் பாரிய மோசடி செய்த நிறுவனத்தின் மீது ‘Class-action’ எனப்படும் ”குழுமப் பொதுநல வழக்கு” தாக்கல் செய்யப்பட்டுள்ளது.
“100% சுத்தமானது” எனக் கூறி விற்பனை செய்யப்பட்ட சிரப்பில் 50% இற்கும் அதிகமான அளவில் சாதாரண சர்க்கரைப்பாகு (Cane Sugar) கலக்கப்பட்டிருப்பது ஆய்வுகளில் உறுதியாகியுள்ளது.
புலனாய்வு ஊடகவியலாளர்கள் நடத்திய ஆய்வின் மூலம் இந்த உண்மை வெளிச்சத்திற்கு வந்துள்ளது.
கலப்படம் செய்யப்பட்ட ‘மேப்பிள் சிரப்பின் (Maple Syrup) இலட்சக்கணக்கான கொள்கலன்கள் கடந்த ஓராண்டில் மட்டும் மெட்ரோ (Metro), IGA போன்ற முன்னணி அங்காடிகளில் விற்கப்பட்டுள்ளன.
இந்த ’சிரப்’ கியூபெக் மாகாணத்தில் தயாரிக்கப்பட்டதாகக் கூறி விற்பனை செய்யப்பட்டாலும், உண்மையில் அவை வேறு மாகாணங்களில் இருந்து கொண்டு வரப்பட்டவை எனவும் குற்றம் சுமத்தப்பட்டுள்ளது.
