வட அமெரிக்காவிலேயே பிரெஞ்சு மொழியில் தொழில்முறை பாலே (Ballet) நடனப் பயிற்சி அளிக்கும் ஒரே கல்வி நிறுவனமான ‘எக்கோல் சுப்பீரியர் டி பாலே டு கியூபெக்’ (ESBQ), தற்போது கடும் நிதி நெருக்கடியில் சிக்கியுள்ளது.
தனது 60-வது ஆண்டு விழாவைக் கொண்டாடும் இந்த வேளையில், போதிய அரசு நிதி இல்லாததால் பள்ளியைத் தொடர்ந்து நடத்துவது கடினம் என அதன் நிர்வாகம் எச்சரித்துள்ளது.
கடந்த 30 ஆண்டுகளில் கியூபெக் மாகாண அரசின் நிதி உதவி என்பது வெறும் பெயரளவில் மட்டுமே உயர்ந்துள்ளது.
தற்போது 160-க்கும் மேற்பட்ட மாணவர்கள் இங்கு பயின்று வருகின்றனர்.
பிரெஞ்சு கலாச்சாரத்தின் அடையாளமாகத் திகழும் இந்தப் பள்ளியின் எதிர்காலம் கேள்விக்குறியாகியுள்ளமை அவர்களைப் சோகத்தில் ஆழ்த்தியுள்ளது.
கியூபெக் கலாச்சார அமைச்சகம் இந்தப் பள்ளியின் முக்கியத்துவத்தை ஏற்றுக்கொண்டுள்ளது.
இருப்பினும், ஏற்கனவே கலை நிறுவனங்களுக்கான திட்டத்தின் கீழ் அதிகப்படியான நிதி இந்தப் பள்ளிக்கு வழங்கப்படுவதாகவும், நடைமுறையில் உள்ள விதிகளின்படியே நிதி ஒதுக்கப்படுவதாகவும் கியூபெக் கலாச்சார அமைச்சகம் தெரிவித்துள்ளது.
