மொண்ட்ரியல் நகரில் உள்ள சர்ச்சைக்குரிய சைக்கிள் பாதைகளை (Bike Paths) மறுபரிசீலனை செய்ய மேயர் சொரயா மார்டினெஸ் ஃபெர்ராடா (Soraya Martinez Ferrada) உத்தரவிட்டுள்ளார்.
இதற்காக 10 லட்சம் டொலர் (1 Million Dollars) நிதி ஒதுக்கப்பட்டு, பாதுகாப்பு ஆய்வுகள் தொடங்கப்பட்டுள்ளன.
பொதுமக்களிடமிருந்து வந்த புகார்கள் மற்றும் பாதுகாப்பு அச்சுறுத்தல்களின் அடிப்படையில், தற்போது பயன்பாட்டில் உள்ள நான்கு முக்கிய வீதிகள் இந்த ஆய்வுக்குத் தேர்ந்தெடுக்கப்பட்டுள்ளன.
இது தவிர, திட்டமிடல் நிலையில் உள்ள Viau, Berri, Saint-Urbain மற்றும் Bellechasse ஆகிய வீதிகளின் புதிய திட்டங்களும் மீண்டும் பரிசீலிக்கப்படும் என அறிவிக்கப்பட்டுள்ளது.
“விபத்துக்கள் நடந்து உயிர்கள் போன பிறகு நடவடிக்கை எடுப்பதை விட, முன்கூட்டியே ஆபத்துகளைக் கண்டறிந்து சரி செய்வதே எங்களது நோக்கம்” என்று மாநகர சபை உறுப்பினர் ஆலன் டிசோசா தெரிவித்துள்ளார்.
