கியூபெக்கை ஒரு பொருளாதார சக்தியாக மாற்றுவதற்கு தாம் தயார்,” என்று பொருளாதார அமைச்சர் கிறிஸ்டின் ஃப்ரெச்செட், தெரிவித்துள்ளார்.
கியூபெக் மாகாணத்தின் ஆளுங்கட்சியான CAQ-வின் தலைமைப் பொறுப்பிற்கும், அதன் மூலம் மாகாணத்தின் அடுத்த முதலமைச்சர் பதவிக்கும் போட்டியிடப் போவதாகப் பொருளாதார அமைச்சர் கிறிஸ்டின் ஃப்ரெச்செட் அதிகாரப்பூர்வமாக அறிவித்துள்ளார்.
தனது சொந்த ஊரான துருவா-ரிவியரில் உள்ள ஒரு தொழிற்சாலையில் வைத்து பிரசாரத்தை முன்னெடுத்த போதே, அவர் இக்கருத்தை வெளிப்படுத்தியுள்ளார்.
கியூபெக்கின் தொழில்முனைவோரையும், சிறு வணிகர்களையும் பாதுகாப்பதே தமது முதன்மை நோக்கம் என கிறிஸ்டின் ஃப்ரெச்செட் குறிப்பிட்டுள்ளார்.
பிரெஞ்சு மொழியைப் பாதுகாப்பது தனது கடமை என்று குறிப்பிட்ட அதே வேளையில், கியூபெக்கில் வாழும் ஆங்கிலம் பேசும் மக்களுடன் சுமூகமான பேச்சுவார்த்தை நடத்தத் தான் விரும்புவதாகவும், அவர்கள் கியூபெக்கின் ஒரு அங்கமே என்றும் அவர் கூறியுள்ளார்.
