பிக்கரிங் (Pickering) பகுதியில் வசிக்கும் 61 வயது பெண் காணாமற்போய் ஒரு மாதம் கடந்துள்ள நிலையில், அவரைத் தேடும் பணியைத் துர்ஹாம் பிராந்திய காவல்துறையினர் (DRPS) தீவிரப்படுத்தியுள்ளனர்.
கடந்த ஆண்டு டிசம்பர் முதலாம் திகதி முதல் காணாமல் போனவரும் ரொசெட்டா (Rosetta) என்ற பெயரை உடையவருமான பெண்ணைக் கண்டுபிடிக்கவே, நவீன ட்ரோன்கள் மற்றும் சிசிடிவி காட்சிகளை காவல்துறையினர் ஆய்வு செய்து வருகின்றனர்.
பிக்கரிங்கில் உள்ள டக்ளஸ் அவென்யூ மற்றும் ரேடம் வீதி (Douglas Ave and Radom St) சந்திப்பில் அவர் கடைசியாகக் காணப்பட்டதாகக் கூறப்படுகின்றது.
அவர் “பாதுகாப்பற்ற நிலையில்” (Vulnerable) இருப்பதாகக் கருதப்படுவதால், அவரது உயிருக்கு ஆபத்து இருக்குமோ என அவரது குடும்பத்தினரும் காவல்துறையினரும் மிகுந்த கவலை அடைந்துள்ளனர்.
