கிழக்கு கியூபெக் பகுதிகளில் சீல் (Seal) விலங்குகளின் எண்ணிக்கை அதீதமாக அதிகரித்துள்ளது.
இந்த நிலையில், சீல் இறைச்சி விற்பனையை ஒரு பெரிய வணிகமாக மாற்றுவதற்கு, உள்ளூர் வேட்டைக்காரர்களும் வணிகர்களும் முன்வந்துள்ளனர்.
இதற்காக “மெக்டலன் தீவுகள் சீல் வேட்டைக்காரர்கள் சங்கம்” ஒரு புதிய முன்னோடித் திட்டத்தை (Pilot Project) முன்வைத்துள்ளது.
இந்தத் திட்டத்தின் மூலம் சீல் இறைச்சி, அதன் தோல் மற்றும் கொழுப்பு என அனைத்துப் பாகங்களையும் முறையாகப் பதப்படுத்தி, கியூபெக் மாகாணம் முழுவதும் விற்பனை செய்யத் திட்டமிடப்பட்டுள்ளது.
சீல் இறைச்சிக்கு கியூபெக் மக்கள் மத்தியில் தற்போது அதிக வரவேற்பு உள்ள போதும், அதற்கான விநியோகம் குறைவாகவே உள்ளமை குறிப்பிடத்தக்கது.
