கியூபெக் மாகாணத்தில் இதுவரை 8 பேருக்கு தட்டம்மை உறுதி செய்யப்பட்டுள்ள நிலையில், வைரஸ் பாதிப்புள்ள நபர்கள் சென்ற இடங்களின் பட்டியலை அதிகாரிகள் வெளியிட்டுள்ளனர்.
டிசம்பர் 9 ஆம் திகதி முதல் 11 ஆம் திகதி வரை மற்றும் டிசம்பர் 12-ஆம் திகதி பிற்பகல் 2 மணி முதல் நள்ளிரவு வரை, Saint-Léonard ல் அமைந்துள்ள பிரபலமான Walmart பேரங்காடிக்குச் சென்றவர்கள் தங்களுக்கு தட்டம்மை பாதிப்பு உள்ளதா என்பதை உடனடியாகச் சரிபார்க்க வேண்டும் என்று கோரப்பட்டுள்ளது.
அடோனிஸ் சூப்பர் மார்க்கெட், செயிண்ட்-ஜஸ்டின் மருத்துவமனை, மெய்சோனியூவ்-ரோஸ்மாண்ட் மருத்துவமனை, பியர்ஃபாண்ட்ஸ் இளைஞர் கிளினிக் முதலான இடங்களும் இந்த பட்டியலில் உள்ளடக்கப் பட்டுள்ளன.
இதேவேளை, மொன்றியல் நகரின் பல முக்கிய இடங்களில் ‘தட்டம்மை’ (Measles) வைரஸ் பரவியிருக்கக்கூடும் எனப் பொது சுகாதாரத் துறை இன்று அவசர எச்சரிக்கை விடுத்துள்ளமை குறிப்பிடத்தக்கது.
