கியூபெக்கின் வடக்கு பிராந்தியமான நுனாவிக்கில் நிலவும் தொடர்ச்சியான மற்றும் கடுமையான குடிநீர் தட்டுப்பாடு காரணமாக சுகாதாரப் பராமரிப்புச் சேவைகள் கடுமையாகப் பாதிக்கப்பட்டுள்ளன.
இப்பகுதியின் பழமையான நீர் உட்கட்டமைப்பை உடனடியாக மேம்படுத்துமாறு சுகாதாரப் பணியாளர்கள் அதிகாரிகளை வலியுறுத்தி வருகின்றனர்.
ஹட்சன் விரிகுடா கடற்கரைக்கு அருகில் அமைந்துள்ள புவிர்னிடக் மற்றும் இனுசுகிவக் ஆகிய பகுதிகளில் உள்ள சுகாதார நிலையங்கள் பெரும்பாலும் நீர் இல்லாமல் இயங்குகின்றன.
ஒரு மருத்துவச் சிகிச்சையின்போது கையுறை கிழிந்துவிட்டால், கையை ஓடும் நீரில் கழுவுவதற்குப் பதிலாக பாட்டிலில் அடைக்கப்பட்ட நீரால் அல்லது ‘ப்யூரெல்’ திரவத்தைக் கொண்டு கழுவ வேண்டிய நிலை ஏற்படுவதாக டாக்டர் வின்சென்ட் ரோசெட்-கூலோம்ப் கூறுகிறார்.
இது அடிப்படை சுகாதாரத்தைக் கூட உறுதிப்படுத்த முடியாத ஆபத்தான சூழல் என்று தெரிவிக்கப்பட்டுள்ளது.
