கலை மற்றும் கலாசாரத் துறை நாட்டின் பொருளாதாரத்தில் மிகப் பெரிய பங்காற்றி, எண்ணெய் மற்றும் எரிவாயு, உற்பத்தி (manufacturing), மற்றும் விவசாயம் போன்ற முக்கியத் தொழில்களை விட அதிக வேலைவாய்ப்புகளை உருவாக்குகிறது என்று ஒரு புதிய அறிக்கை தெரிவித்துள்ளது.
இருப்பினும், இந்தத் துறைக்குத் தேவையான நிதிப் பாதுகாப்பை உறுதி செய்வதில் கடுமையான சவால்கள் இருப்பதாக இந்த அறிக்கை சுட்டிக் காட்டுகிறது.
கனடாவின் வணிக நிறுவனங்களின் அமைப்பான கனடியன் சேம்பர் ஆஃப் காமர்ஸின் (Canadian Chamber of Commerce) வணிகத் தரவு ஆய்வகம் (Business Data Lab) வெளியிட்ட “Artworks: The Economic and Social Dividends from Canada’s Arts and Culture Sector” என்ற அறிக்கை, இத்துறையின் நிதி முக்கியத்துவத்தை வலியுறுத்துகிறது.
கடந்த ஆண்டில், கலை மற்றும் கலாசாரத் துறை கனடாவின் மொத்த உள்நாட்டு உற்பத்திக்கு (GDP) நேரடியாக $65 பில்லியன் டொலர்களை வழங்கியுள்ளது.
கடந்த மூன்று ஆண்டுகளில், இத்துறையின் வளர்ச்சி கனடாவின் ஒட்டுமொத்தப் பொருளாதார வளர்ச்சியை விட வேகமாக உள்ளமை அவதானிக்கப்பட்டுள்ளது.
