ஒன்டாரியோவின் விண்ட்ஸர் நகரின் மேற்குப் பகுதியில், கடந்த ஞாயிற்றுக்கிழமை இரவு நடந்த வாகன விபத்து தொடர்பான விசாரணைகள் முன்னெடுக்கப்பட்டுள்ளன.
இந்த விபத்தில், 62 வயதான ஆண் பாதசாரி ஒருவர் உயிரிழந்ததாக விண்ட்ஸர் காவல்துறையினர் தெரிவித்துள்ளனர்.
இந்த சோகமான விபத்து, சான்ட்விச் (Sandwich) பகுதியில் உள்ள சான்ட்விச் தெருவில் (Sandwich Street), இரவு 8:00 மணிக்குப் பின் நேர்ந்துள்ளது என, அவர்கள் மேலும் தெரிவித்துள்ளனர்.
குறித்த வீதியில் பாதசாரிகள் கடப்பதற்கான இடத்தில் அந்த நபர் வீதியைக் கடக்கவில்லை என்பது அவதானிக்கப்பட்டுள்ளது.
சான்ட்விச் தெருவின் நடுப்பகுதி வழியாக வீதியைக் கடப்பதற்கு அவர் முயன்றுள்ளார்.
இவ்விபத்தில் அந்த நபர் மீது இரண்டு வாகனங்கள் மோதியுள்ளன.
படுகாயமடைந்த அந்த 62 வயது முதியவர் உடனடியாக மருத்துவமனைக்குக் கொண்டு செல்லப்பட்ட போதும், அவர் சிகிச்சை பலனின்றி உயிரிழந்தமை சுட்டிக்காட்டத்தக்கது
