ஒட்டாவா நகர சபையானது (City Council) புதிய வீடுகளின் கட்டுமானத்தை விரைவுபடுத்தும் நோக்கில் கொண்டுவரப்பட்ட முக்கிய வீட்டு வசதிக்கான துரிதத் திட்டத்திற்கு இறுதி ஒப்புதல் வழங்கியுள்ளது.
எனினும், இத்திட்டத்தின் ஒரு பகுதியாக கட்டுமான நிறுவனங்களுக்கு வழங்கப்படவிருந்த சர்ச்சைக்குரிய 1.6 மில்லியன் டொலர் கட்டணத் தொகையைத் திரும்ப அளிக்கும் பரிந்துரையை கவுன்சிலர்கள் இரத்து செய்தனர்.
53 பரிந்துரைகள் கொண்ட இந்த திட்டமானது, ஒட்டாவாவை “கனடாவின் வீட்டுவசதி-நிறைந்த நகரமாக” மாற்றும் முயற்சி என்று மேயர் மார்க் சட்க்ளிஃப் (Mark Sutcliffe) பாராட்டினார்.
பலதரப்பட்ட மக்களிடமிருந்து இத்திட்டத்திற்கு ஆதரவு கிடைத்துள்ளதாக அவர் சுட்டிக்காட்டியுள்ளார்.
இதேவேளை, கவுன்சிலர்கள் ஷான் மெனார்ட் (Shawn Menard), ட்ராஸ்டர் உள்ளிட்ட சிலர், லாபம் ஈட்டும் தனியார் கட்டுமான நிறுவனங்களுக்கு நிதியுதவி வழங்குவது குறித்து தமது எதிர்ப்பை வெளிப்படுத்தியமை குறிப்பிடத்தக்கது.
