கியூபெக் (Quebec) மாகாண அரசாங்கம் தனது உத்தியோகபூர்வ இணையத்தளங்களில் ஆங்கில மொழியைப் பயன்படுத்துவதைக் கட்டுப்படுத்தி, பிரெஞ்சு மொழியை மட்டுமே முதன்மைப்படுத்தும் புதிய சட்ட நடைமுறைகளைத் தீவிரப்படுத்தியுள்ளது.
கியூபெக் மாகாண அரசின் இந்த நடவடிக்கை காரணமாக, இனிவரும் காலங்களில் கியூபெக் அரசின் இணையத்தள சேவைகள் மற்றும் தகவல்களை ஆங்கிலத்தில் அணுகுவது சிரமமாக மாறும் நிலை ஏற்பட்டுள்ளது.
கியூபெக் மாகாணத்தில் பிரெஞ்சு மொழியின் முக்கியத்துவத்தைப் பாதுகாக்கவும், அதன் வீழ்ச்சியைத் தடுக்கவும் கொண்டுவரப்பட்ட Bill 96 சட்டத்தின் ஒரு பகுதியாகவே இந்த நடவடிக்கை மேற்கொள்ளப்பட்டுள்ளது.
இதன் மூலம், கியூபெக் மாகாண பொது நிர்வாக அமைப்புகள் மற்றும் அரசாங்க நிறுவனங்கள் தங்களின் இணையத்தளங்கள், மின்னஞ்சல்கள் மற்றும் சமூக ஊடகப் பதிவுகளில் பிரெஞ்சு மொழியை மட்டுமே பிரதானமாகப் பயன்படுத்த வேண்டும் என்பது சட்டப்பூர்வமாக்கப்பட்டுள்ளது.
கியூபெக் மாகாணத்தில் முகவரியைக் கொண்டுள்ளவையும், அங்குள்ள மக்களுக்குச் சேவையாற்றுபவையுமான அனைத்து வணிக நிறுவனங்களும் தங்களின் இணையத்தளங்கள், சமூக ஊடகப் பக்கங்கள் மற்றும் இலத்திரனியல் வர்த்தகத் (E-commerce) தளங்களை முழுமையான பிரெஞ்சு மொழியில் வைத்திருக்க வேண்டும் என அறுவுறுத்தல் விடுக்கப்பட்டுள்ளமை குறிப்பிடத்தக்கது.
