மொன்றியலில் பள்ளி பேருந்து சேவை மீண்டும் ஆரம்பம்

மொன்றியலில் உள்ள இரண்டு பள்ளிச்சபைகளைச் சேர்ந்த மாணவர்களுக்கான பள்ளி பேருந்து சேவை மீண்டும் தொடங்குகிறது.

லெஸ்டர் பி. பியர்சன் பள்ளிச்சபை (Lester B. Pearson School Board – LBPSB) மற்றும் ஆங்கில மொன்றியல் பள்ளிச்சபை (English Montreal School Board – EMSB) ஆகிய இரண்டு பள்ளிச்சபைகளும், அவற்றின் லயன் மின்சாரப் பேருந்துகள் அனைத்தும் பரிசோதிக்கப்பட்டு, பழுதுபார்க்கப்பட்டுவிட்டதாக உறுதிப்படுத்தியுள்ளன.

கடந்த வாரம், ஒரு லயன் மின்சாரப் பேருந்தில் ஏற்பட்ட தீ விபத்தைத் தொடர்ந்து, முன்னெச்சரிக்கை நடவடிக்கையாக சுமார் 1,200 லயன் மின்சார மற்றும் டீசல் பேருந்துகள் சேவையிலிருந்து நீக்கப்பட்டன.

பேருந்து உற்பத்தியாளர், அனைத்து பேருந்துகளிலும் உள்ள மின் இணைப்பானை (fuse) மாற்றுமாறு அறிவுறுத்தினார்.

இதுவே பேருந்துகளை மீண்டும் இயக்க தாமதமானதற்கான முக்கிய காரணம் என டிரான்ஸ்கோ நிறுவனத்தின் தாய் நிறுவனமான ‘ஃபர்ஸ்ட் ஸ்டூடண்ட்’ (First Student) கூறியுள்ளது.