அமெரிக்க அதிபர் டொனால்ட் டிரம்ப், கனடாவுடனான வர்த்தக ஒப்பந்தமான CUSMA-வை (Canada-United States-Mexico Agreement) எந்த நேரத்திலும் ரத்து செய்ய வாய்ப்புள்ளது என ஒன்டாரியோ முதல்வர் டக் ஃபோர்ட் (Doug Ford) கடுமையாக எச்சரித்துள்ளார்.
கடந்த வாரம், CUSMA ஒப்பந்தத்தில் வராத பொருட்களுக்கு அமெரிக்கா 35% புதிய வரியை விதித்ததைத் தொடர்ந்து, இந்த எச்சரிக்கை வெளியாகியுள்ளது.
டொராண்டோவில் உள்ள குயின்ஸ் பார்க்கில் (Queen’s Park) செய்தியாளர்களிடம் பேசிய ஃபோர்ட், ”வர்த்தக ஒப்பந்தத்தை மறுபரிசீலனை செய்வதற்காக, டிரம்ப் 2026 வரை காத்திருக்க மாட்டார்” என்று கூறியுள்ளார்.
” ஒரு கையெழுத்தை இடுவதன் மூலம், எந்த நேரத்திலும், டிரம்ப் CUSMA ஒப்பந்தத்தை ரத்து செய்ய முடியும்.” என்று சுட்டிக்காட்டிய ஒன்டாரியோ முதல்வர் டக் ஃபோர்ட் (Doug Ford), ”நாம் நவம்பரில் இதை எதிர்கொள்வதற்கான ஆயத்தங்களைத் தொடங்க வேண்டும்” என்று தெரிவித்தார்.
கனடாவின் பொருளாதாரம் பாதிக்கப்படாமல் இருக்க உடனடியாக வலுவான நடவடிக்கைகள் எடுக்கப்பட வேண்டும் என்றும் ஃபோர்ட் கேட்டுக்கொண்டார்.
