அடுத்த மாதம் நடைபெறவுள்ள மத்திய இடைத்தேர்தலில், 200க்கும் மேற்பட்ட வேட்பாளர்கள் களமிறங்கியுள்ளனர்.
இது கனடாவின் தேர்தல் வரலாற்றில் ஒரே வாக்குச் சீட்டில் போட்டியிடும் வேட்பாளர்களின் முந்தைய சாதனையை இரட்டிப்பாக்கியுள்ளது.
இவர்களில் பெரும்பாலானோர் தேர்தல் சீர்திருத்தங்களை வலியுறுத்தும் குழுக்களுடன் தொடர்புடையவர்கள் எனத் தெரியவருகின்றது.
அல்பர்ட்டாவின் பேட்டில் ரிவர்-க்ரோஃபூட் தொகுதிக்குரிய முன்னாள் நாடாளுமன்ற உறுப்பினர் டேமியன் குரெக் தனது பதவியிலிருந்து விலகியதைத் தொடர்ந்து, நடைபெறவுள்ள இந்த இடைத்தேர்தல் கன்சர்வேட்டிவ் கட்சித் தலைவர் பியர் பொய்லியேவ் மீண்டும் நாடாளுமன்றத்திற்குள் நுழைவதற்கு, ஒரு வாய்ப்பாக அமைந்துள்ளது.
ஞாயிற்றுக்கிழமை மாலை நிலவரப்படி, பேட்டில் ரிவர்-க்ரோஃபூட் இடைத்தேர்தலில் 209 வேட்பாளர்கள் பதிவு செய்துள்ளனர்.
இத்தனை அதிக எண்ணிக்கையிலான வேட்பாளர்கள் இடைத்தேர்தலில் போட்டியிடுவதானது, சுமார் ஒரு மீட்டர் நீளமுள்ள வாக்குச் சீட்ட்டினை அச்சிட வேண்டிய தேவையை உருவாக்கியுள்ளது.
