மொன்றியல்-Nord பகுதியில் வீடற்றவர்கள் தங்கியிருந்த தற்காலிக முகாமில் ஏற்பட்ட தீ விபத்தில், 50 வயதுடைய பெண் ஒருவர் உயிரிழந்துள்ளார்.
புதன்கிழமை அதிகாலை சுமார் 5 மணியளவில், De Charleroi Street மற்றும் Lacordaire Boulevard சந்திப்புக்கு அருகிலுள்ள முகாமில் தீ ஏற்பட்டதாக Montréal காவல்துறைக்கு தகவல் கிடைத்தது.
சம்பவ இடத்துக்கு சென்ற காவல்துறையினர், பெண் ஒருவரை மயங்கிய நிலையில் கண்டுபிடித்து உடனடியாக மருத்துவமனைக்கு கொண்டு சென்றனர். ஆனால், அவர் பின்னர் சிகிச்சை பலனின்றி உயிரிழந்தார்.
தீயணைப்பு வீரர்கள் சம்பவ இடத்துக்கு வந்தபோது தீ ஏற்கனவே அணைந்திருந்ததாக அதிகாரிகள் தெரிவித்துள்ளனர்.
தீ ஏற்பட்டதற்கான காரணம் இதுவரை உறுதி செய்யப்படவில்லை. Montréal காவல்துறையின் தீவைப்பு விசாரணைப் பிரிவு இந்த சம்பவம் தொடர்பாக விசாரணை நடத்தி வருகிறது.
