கியூபெக் மாகாணத் தேர்தலில் ஆட்சி மாற்றம்!
கியூபெக்கில் நேற்று நடைபெற்ற மாகாணத் தேர்தலில், Parti Québécois – PQ கட்சி, அதிக ஆசனங்களைப் பெற்று ஆட்சியை கைப்பற்றியுள்ளது.
இதன் மூலம், கடந்த எட்டு ஆண்டுகளாக ஆட்சியில் இருந்த Coalition Avenir Québec – CAQ கட்சியின் ஆட்சி முடிவுக்கு வந்துள்ளது.
மொத்தம் 127 ஆசனங்களைக் கொண்ட கியூபெக் தேசிய சட்டமன்றத்தில், PQ கட்சி 59 ஆசனங்களை பெற்றுள்ளது. எனினும், பெரும்பான்மை அரசாங்கத்தை அமைப்பதற்கு தேவையான 64 ஆசனங்களை அந்தக் கட்சி பெறவில்லை. இதனால், PQ சிறுபான்மை அரசாங்கமாக ஆட்சி அமைக்கிறது.
PQ கட்சியின் தலைவர் Paul St-Pierre Plamondon, கியூபெக்கின் அடுத்த முதல்வராக பொறுப்பேற்க உள்ளார்.
இதேவேளை, Quebec Liberal Party, 40 ஆசனங்களைப் பெற்றுள்ள நிலையில், Conservative Party of Québec 19 ஆசனங்களையும், Québec solidaire சுமார் 10 ஆசனங்களையும் பெற்றுள்ளன.
குறிப்பாக, கடந்த தேர்தலில் வலுவான நிலையில் இருந்த CAQ கட்சி, இந்தத் தேர்தலில் ஒரு ஆசனத்தையும் பெறாமல் பின்னடைவை சந்தித்துள்ளது.
இந்தத் தேர்தல் முடிவின் மூலம், கியூபெக் அரசியலில் குறிப்பிடத்தக்க மாற்றம் ஏற்பட்டுள்ளது.
மேலும், PQ கட்சியின் ஆட்சியில் கியூபெக்கின் இறையாண்மை மற்றும் எதிர்காலத்தில் சுதந்திரம் தொடர்பான referendum விவகாரம் மீண்டும் அரசியல் விவாதத்தின் முக்கிய பகுதியாக மாறக்கூடும் என எதிர்பார்க்கப்படுகிறது.
