மொன்றியல் நகரப் பகுதியில் உள்ள நகைக்கடைகளில் இடம்பெறும் கொள்ளை மற்றும் திருட்டுச் சம்பவங்கள் கடந்த ஐந்து ஆண்டுகளில் மூன்று மடங்குக்கும் அதிகமாக அதிகரித்துள்ளதாக புதிய தகவல்கள் தெரிவிக்கின்றன.
மொன்றியல் நகர பொலிஸ் சேவையான SPVM வழங்கிய தரவுகளின்படி, 2026ஆம் ஆண்டு ஜனவரி முதலாம் திகதி முதல் செப்டம்பர் 8ஆம் திகதி வரையான காலப்பகுதியில் மட்டும் நகைக்கடைகளை இலக்கு வைத்து 46 சம்பவங்கள் பதிவாகியுள்ளன.
இதனுடன் ஒப்பிடுகையில், 2022ஆம் ஆண்டு முழுவதும் 15 சம்பவங்களே பதிவாகியிருந்தன.
2023ஆம் ஆண்டு 21 சம்பவங்களும், 2024ஆம் ஆண்டு 35 சம்பவங்களும், 2025ஆம் ஆண்டு 26 சம்பவங்களும் பதிவாகியுள்ளன.
மேலும், கடந்த வியாழக்கிழமை Kirkland பகுதியில் வாகனம் ஒன்றைக் கொண்டு நகைக்கடையின் முன்பக்கத்தை உடைத்து உள்ளே நுழைந்த கொள்ளையர்கள் நகைகளைத் திருடிச் சென்றுள்ளனர்.
இந்த ஆண்டு பதிவான எண்ணிக்கை இன்னும் இறுதி செய்யப்படாத தற்காலிக புள்ளிவிவரம் எனவும் தெரிவிக்கப்பட்டுள்ளது.
