கியூபெக்கின் மொன்தெரேஜி (Montérégie) பிராந்தியத்தில் உள்ள செயின்ட்- அர்பைன்-பிரீமியர் (Saint-Urbain-Premier) நகராட்சியில், சுமார் 15 பிரம்மாண்ட வணிகக் காற்றாலைகளை (Wind Turbines) அமைக்கப்படவுள்ளன.
இதற்கான 100 மெகாவாட் திட்டத்தை ஃபர்ஸ்ட்லைட்(FirstLight) என்ற தனியார் ஆற்றல் மேம்பாட்டு நிறுவனம் முன்மொழிந்துள்ளது.
இத்திட்டத்தின் மூலம் 30,000 வீடுகளுக்கு மின்சாரம் வழங்கும் இயலுமையை அந்த நிறுவனம் கொண்டுள்ளது. இதேவேளை, இந்த திட்டமானது அப்பகுதியின் வளமான விவசாய நிலங்களை ஆக்கிரமித்து, விவசாயக் கட்டமைப்பைச் சீர்குலைக்கும் எனக் கூறி உள்ளூர் விவசாயிகளும், விவசாய சங்கங்களும் வீதிகளில் இறங்கிப் போராட்டங்களை நடத்தத் தொடங்கியுள்ளனர்.
தங்களின் உணவு உற்பத்தி நிலங்களில், காற்றாலைகளின் இராட்சதக் கோபுரங்கள் அமைவதை அனுமதிக்க முடியாது எனப் பிராந்திய மக்கள் திட்டவட்டமாகத் தெரிவித்துள்ளனர்.
இந்த சர்ச்சை குறித்துக் கியூபெக் புதுப்பிக்கத்தக்க எரிசக்தி உற்பத்தியாளர்கள் சங்கத்தின் (AQPER) தலைமை நிர்வாக அதிகாரி லூயிஸ் கல்சாடோ (Luis Calzado) மாற்றுப் பார்வையைக் முன்வைத்துள்ளார்.
விவசாயப் பணிகளுக்கு இடையூறு விளைவிக்காமல், விவசாயிகளுடன் இணைந்து வாழும்(Cohabitate) ஒரு சிறந்த சூழலை தங்களால் உருவாக்க முடியும்என்று லூயிஸ் கல்சாடோ உறுதிபடத் தெரிவித்துள்ளமை குறிப்பிடத்தக்கது.
