உலகளாவிய எரிசக்தி விநியோகத்தின் முக்கியப் பாதையான ஹார்முஸ் நீரிணையை (Strait of Hormuz) மீண்டும் திறப்பது மற்றும் அங்குள்ள கப்பல் போக்குவரத்தைப் பாதுகாப்பது தொடர்பாக ஐநா பாதுகாப்பு கவுன்சிலில் கொண்டு வரப்பட்ட தீர்மானம் தோல்வியடைந்தது. பாதுகாப்பு கவுன்சிலின் நிரந்தர உறுப்பினரான சீனா, தனது ‘வீட்டோ’ (Veto) எனப்படும் ரத்து அதிகாரத்தைப் பயன்படுத்தி இந்தத் தீர்மானத்தைத் தடுத்து நிறுத்தியது.
பஹ்ரைன் நாட்டின் முன்முயற்சியால் கொண்டு வரப்பட்ட இந்தத் தீர்மானத்தின் மீது நடைபெற்ற வாக்கெடுப்பில், மொத்தம் உள்ள 15 உறுப்பு நாடுகளில் 11 நாடுகள் ஆதரவாக வாக்களித்தன. இருப்பினும், தீர்மானத்திற்கு எதிராக சீனா உள்ளிட்ட 2 நாடுகள் வாக்களித்தன. மற்ற 2 நாடுகள் வாக்கெடுப்பில் பங்கேற்காமல் நடுநிலை வகித்தன. ஒரு தீர்மானம் நிறைவேற நிரந்தர உறுப்பு நாடுகள் அனைத்தும் ஒருமனதாக இருக்க வேண்டும் என்ற நிலையில், சீனாவின் எதிர்ப்பு காரணமாக இது முறியடிக்கப்பட்டது.
