கியூபெக் மாகாணத்தின் கான்கார்டியா பல்கலைக்கழகம்,(Concordia University) செலவுக் குறைப்பு நடவடிக்கைகளை அமல்படுத்தி வருகிறது.
சர்வதேச மாணவர்களின் சேர்க்கையில் ஏற்பட்டுள்ள பெரும் வீழ்ச்சியைக் கருத்தில் கொண்டே இந்த முடிவினை மேற்கொண்டுல்ளதாக அந்த பல்கலைக்கழகத்தின் மாணவர்கள் தெரிவிக்கின்றனர்.
கற்பித்தல் ஒப்பந்தங்களைப் புதுப்பிக்காமல் இருப்பது மற்றும் ஏற்கனவே அங்கீகரிக்கப்பட்ட ஓய்வு விடுப்புகளைத் (Sabbaticals) தள்ளிப்போடுவது உள்ளிட்ட முக்கியமான நிதிக்குறைப்பு நடவடிக்கைகள் தற்போது அங்கு முன்னெடுக்கப்பட்டுள்ளன.
தற்போது எதிர்கொண்டுள்ள நிதி இழப்புகளைச் சரிசெய்யாவிட்டால், 2025-26 நிதியாண்டில் கான்கார்டியா பல்கலைக்கழகம் 84 மில்லியன் டொலர் நிதிப் பற்றாக்குறையை தான் எதிர்கொள்ள நேரிடும் என எச்சரித்துள்ளது.
