அமெரிக்காவில் மைக்ரோசொஃப்ட், மத்திய விமானப் போக்குவரத்து நிர்வாகம் மற்றும் முக்கிய வங்கிகளின் சேவைகளில் அண்மையில் ஏற்பட்ட தடங்கல்கள் தொடர்பாகப் பாதுகாப்பு விசாரணைகள் முன்னெடுக்கப்பட்டுள்ளன.
இந்தச் சம்பவங்கள் தொடர்பாக வெளிநாட்டு ஹேக்கர்கள் அல்லது சைபர் குற்றவாளிகளின் தொடர்பு உள்ளதா என்ற கேள்விகள் எழுந்தன.எனினும், அமெரிக்க வெளியுறவுச் செயலாளர் மார்கோ ரூபியோ, இந்தச் சம்பவங்கள் அனைத்தும் ஒரே சைபர் தாக்குதலின் பகுதிகள் என்பதற்கான ஆதாரங்கள் இதுவரை கிடைக்கவில்லை எனத் தெரிவித்துள்ளார்.
மேலும், அமெரிக்கத் தலைநகர் வாஷிங்டனுக்கு உடனடி தாக்குதல் அச்சுறுத்தல் இருப்பதாகக் கூறப்படுவதற்கும் ஆதாரம் இல்லை என அவர் குறிப்பிட்டுள்ளார்.
இருப்பினும், முக்கியமான கணினி மற்றும் நிதி உட்கட்டமைப்புகளின் பாதுகாப்பு தொடர்ந்து கண்காணிக்கப்படுவதாகத் தெரிவிக்கப்பட்டுள்ளது.
