கனடாவில் பெண்களுக்கான ஹோர்மோன் சிகிச்சையில் பயன்படுத்தப்படும் Premarin மருந்துப் பொருட்களின் விற்பனையை நிறுத்துவதற்கு Pfizer நிறுவனம் தீர்மானித்துள்ளது.
நிறுவனத்தின் உள்மதிப்பீட்டுக்குப் பின்னர் இந்த முடிவு எடுக்கப்பட்டுள்ளதாகத் தெரிவிக்கப்பட்டுள்ளது.
இந்த முடிவு மருந்தின் பாதுகாப்பு, செயல்திறன் அல்லது தரம் தொடர்பான பிரச்சினைகளால் எடுக்கப்படவில்லை என நிறுவனம் விளக்கம் அளித்துள்ளது.
Premarin மருந்தின் சில வகைகள் ஏற்கனவே விநியோகத் தட்டுப்பாட்டை எதிர்கொண்டுள்ளன. மாத்திரைகளின் தற்போதைய இருப்பு சுமார் 2027ஆம் ஆண்டின் நடுப்பகுதி வரை நீடிக்கலாம் என எதிர்பார்க்கப்படுகிறது. எனினும் தேவை அதிகரித்தால் அதற்கு முன்னரே இருப்பு தீர்ந்துவிடலாம் எனவும் தெரிவிக்கப்பட்டுள்ளது.
இதற்குப் பதிலாக மாற்று சிகிச்சை முறைகள் இருப்பதாக Pfizer நிறுவனம் தெரிவித்துள்ளது.
