தமிழ்நாடு மற்றும் புதுச்சேரியில் 10-ம் வகுப்பு மற்றும் 12-ம் வகுப்பு பொதுத்தேர்வுகளில் தொகுதிகள் வாரியாக அதிக மதிப்பெண்கள் பெற்ற மாணவர்களை ஊக்குவிக்கும் விதமாக, தமிழக வெற்றிக்கழகம் (தவெக) சார்பில் கல்வி விருது வழங்கும் விழா நடத்தப்பட்டு வருகின்றது.
அந்த வகையில், இந்த ஆண்டு அதிக மதிப்பெண்கள் பெற்ற மாணவர்களுக்கு முதற்கட்டமாகச் சென்னை நீலாங்கரையில் உள்ள ஆர்.கே.கன்வென்ஷன் சென்டரில் பாராட்டு விழா நடைபெற்றது.
இந்த விழாவிற்கு வருகை தந்த முதல்வர் ஜோசப் விஜய்க்குப் பள்ளி மாணவர்கள் மற்றும் பெற்றோர்கள் உற்சாக வரவேற்பு அளித்தனர்.
தொடர்ந்து, மாணவர்கள், குழந்தைகள் மற்றும் பெற்றோர்களுடன் அவர் குழு புகைப்படம் எடுத்துக்கொண்டார்.
இதன் பின்னர் தமிழ்த்தாய் வாழ்த்துடன் விழா உத்தியோகபூர்வமாகத் தொடங்கியது.
இன்றைய (04.11.2026) விழாவில் திருவண்ணாமலை, கடலூர், கள்ளக்குறிச்சி, விழுப்புரம் மற்றும் அரியலூர் உள்ளிட்ட மாவட்டங்களைச் சேர்ந்த மாணவ, மாணவியர்கள் பங்கேற்றனர்.
விழாவில் பங்கேற்ற மாணவர்களும் அவர்களின் பெற்றோரும் காலை 11 மணிக்கு விழா அரங்கிற்குள் அனுமதிக்கப்பட்டு, சான்றிதழ்கள் சரிபார்க்கப்பட்டு, அவர்களுக்கு மதிய உணவும் வழங்கப்பட்டது.
தொடர்ந்து, பிற்பகல் 3.30 மணியளவில் நடைபெற்ற நிகழ்ச்சியில் மாணவச் செல்வங்களுக்கு, அவர்களின் பெற்றோர் முன்னிலையில் சான்றிதழும் ஊக்கத் தொகையும் வழங்கப்பட்டு, வாழ்த்துக் கூறி கௌரவிக்கப்பட்டனர்.
