மொன்றியல் பகுதியில் இந்த வார இறுதியில் மேற்கொள்ளப்படவுள்ள பராமரிப்புப் பணிகள் காரணமாக, பல முக்கிய நெடுஞ்சாலைகளில் போக்குவரத்துத் தடைகள் அறிவிக்கப்பட்டுள்ளன.
குறிப்பாக, மொன்றியலையும் தென்கரையையும் இணைக்கும் முக்கிய போக்குவரத்துப் பாதையான Highway 25 மற்றும் Louis-Hippolyte-La Fontaine சுரங்கப்பாதை தொடர்பாகப் பல கட்டுப்பாடுகள் அறிவிக்கப்பட்டுள்ளன.
அதன்படி, இன்று வெள்ளிக்கிழமை, ஒக்டோபர் 23ஆம் திகதி இரவு 10 மணி முதல் திங்கட்கிழமை, ஒக்டோபர் 26ஆம் திகதி அதிகாலை 5 மணி வரை, மொன்றியல் நோக்கிச் செல்லும் Highway 25 பாதை முழுமையாக மூடப்படவுள்ளது. தென்கரையில் உள்ள Exit 90 பகுதியிலிருந்து Sherbrooke Street நுழைவுப் பகுதி வரையிலான பாதை இந்த மூடலுக்கு உட்படுகிறது.
சுரங்கப்பாதையின் மின்சார மற்றும் தகவல் தொடர்பு அமைப்புகளில் பராமரிப்புப் பணிகளை மேற்கொள்வதுடன், கடந்த ஆண்டில் ஏற்பட்ட சில சேதங்களையும் சீரமைப்பதே இந்த நடவடிக்கையின் நோக்கமாகும்.
அதேவேளை, தென்கரை நோக்கிச் செல்லும் திசையிலும் இரவு நேரங்களில் சுரங்கப்பாதை மூடப்படும். வெள்ளிக்கிழமை இரவு 10 மணி முதல் சனிக்கிழமை காலை 8 மணி வரையும், சனிக்கிழமை இரவு 10 மணி முதல் ஞாயிற்றுக்கிழமை காலை 9 மணி வரையும், ஞாயிற்றுக்கிழமை இரவு 10 மணி முதல் திங்கட்கிழமை அதிகாலை 5 மணி வரையும் இந்தத் தடைகள் அமுலில் இருக்கும்.
மேலும், வெள்ளிக்கிழமை இரவு முதல் சனிக்கிழமை காலை வரை Avenue Souligny வீதியின் ஒரு பகுதியும் மூடப்படவுள்ளது.
எனவே, மொன்றியலுக்கும் தென்கரைக்கும் இடையில் பயணம் செய்யத் திட்டமிடுபவர்கள், குறிப்பாக வேலைக்குச் செல்பவர்கள் மற்றும் விமான நிலையம் நோக்கிப் பயணிப்பவர்கள், முன்கூட்டியே மாற்றுப் பாதைகளைத் திட்டமிடுவது திட்டமிட்டு கொள்ளுமாறு அறிவுறுத்தல் விடுக்கப்படுகிறது.
