சவுதி அரேபியாவில் அனோஜனுக்கு விதிக்கப்பட்ட மரண தண்டனையை நீக்கி, சவுதி அரேபிய உச்ச நீதிமன்றம் தீர்ப்பளித்துள்ளது.
இதன்படி இந்த விவகாரம் இலங்கையில் பெரும் கவனத்தைப் பெற்றிருந்த நிலையில், தற்போது அனோஜனின் குடும்பத்தினருக்கும், அவருக்காகக் குரல் கொடுத்து வந்தவர்களுக்கும் நிம்மதியளிக்கும் முக்கிய முன்னேற்றமாக அமைந்துள்ளது.
இந்நிலையில் இலங்கை அரசாங்கம் முன்னெடுத்த தொடர்ச்சியான இராஜதந்திர மற்றும் சட்ட நடவடிக்கைகளின் ஊடாக இந்த தீர்ப்பு கிடைக்கப் பெற்றுள்ளது.
மேலும் இலங்கை ஜனாதிபதி அனுரகுமார திஸாநாயக்க தனது சமூக வலைத்தளபக்கத்தில் சவூதி அரேபியா அரசாங்கத்திற்கும், இரு நாடுகளின் இராஜதந்திரிகளுக்கும், அரச அதிகாரிகள் மற்றும் சட்டக் குழுக்களுக்கும் நன்றியையும் பாராட்டுக்களையும் இதன்போது தெரிவித்துள்ளார்.
