மட்டக்களப்பு, குருக்கள்மடம் பகுதியில் சந்தேகத்திற்கிடமான மனிதப் புதைகுழி அமைந்துள்ளதாகக் கருதப்படும் இடத்தில் இரண்டாம் கட்ட அகழ்வு பணிகளின் எட்டாம் நாளான இன்று தொடர்ந்துள்ளன.
கடந்த ஒக்டோபர் 6ஆம் திகதி, களுவாஞ்சிகுடி நீதவான் நீதிமன்ற நீதிபதி த.பிரதீபனின் மேற்பார்வையில், அகழ்வுப் பணிகள் ஆரம்பிக்கப்பட்டு இந்தப் அகழ்வுப் பணிகள் மேற்கொள்ளப்பட்டுள்ளன.
1990ஆம் ஆண்டு, புனித ஹஜ் யாத்திரையை நிறைவு செய்துவிட்டு கல்முனை வழியாக காத்தான்குடிக்குப் பயணித்த முஸ்லிம் யாத்திரிகர்கள் மற்றும் பொதுமக்கள் ஆயுததாரிகளால் இடைமறிக்கப்பட்டு கொலை செய்யப்பட்டுப் புதைக்கப்பட்டதாகக் கூறப்படும் சம்பவத்துடன் இந்த இடம் தொடர்புபடுத்தப்படுகிறது.
நீண்டகாலமாக விசாரணைக்கு உட்படுத்தப்பட்டு வரும் இந்த விவகாரத்தில், முறைப்பாட்டாளர் ரவூப் அப்துல் மஜீத், சட்டத்தரணி முபாறக் முஅஸ்ஸம், காவல்துறையினர் மற்றும் குற்றத்தடுப்புப் பிரிவினர் உள்ளிட்டோர் பரிசோதனை நடவடிக்கைகளின்போது கலந்துகொண்டுள்ளனர்.
