இலங்கையில் நாய்களைப் பதிவு செய்தல், வெறிநாய்க்கடி தடுப்பூசி, நாய்களின் எண்ணிக்கையைக் கட்டுப்படுத்துதல் மற்றும் வணிக ரீதியான நாய் இனப்பெருக்கத்தை ஒழுங்குபடுத்துதல் தொடர்பாக புதிய சட்டமூலம் நாடாளுமன்றத்தில் இன்று, செப்டம்பர் 24, 2026 அன்று சமர்ப்பிக்கப்பட்டுள்ளது. இதன் இரண்டாம் வாசிப்பு நாளை செப்டம்பர் 25ஆம் தேதி நடைபெற உள்ளது.
புதிய சட்டமூலத்தில் முக்கியமாக உள்ளடக்கப்பட்டுள்ள விடயங்கள்
ஆறு வாரங்களுக்கு மேற்பட்ட வயதுடைய நாய்களுக்கு ஒவ்வொரு ஆண்டும் Rabies தடுப்பூசி செலுத்த வேண்டும் என முன்மொழியப்பட்டுள்ளது. தடுப்பூசி செலுத்திய பின்னர் வழங்கப்படும் சான்றிதழின் அடிப்படையில் நாயை பதிவு செய்ய வேண்டும்.
நாயை வளர்ப்பவர்கள் அல்லது தங்கள் பொறுப்பில் வைத்திருப்பவர்கள், சம்பந்தப்பட்ட உள்ளூராட்சி நிறுவனத்தில் நாயை பதிவு செய்ய வேண்டும். பதிவு செய்த பின்னர் பதிவு சான்றிதழ் வழங்கப்படும்.
பதிவு செய்யத் தவறினால், பதிவு கட்டணத்துக்கு மேலதிகமாக 2,000 ரூபாய் அபராதம்** விதிக்கப்படலாம் என சட்டமூலத்தில் முன்மொழியப்பட்டுள்ளது.
ஒவ்வொரு உள்ளூராட்சி அதிகார சபையும் தங்களது நிர்வாகப் பகுதியில் உள்ள தெருநாய்களை கருத்தடை அல்லது இனப்பெருக்கத் தடுப்பு நடவடிக்கைகளுக்கு உட்படுத்த நடவடிக்கை எடுக்க வேண்டும் என முன்மொழியப்பட்டுள்ளது. இதன் மூலம் கட்டுப்பாடின்றி அதிகரிக்கும் நாய்களின் எண்ணிக்கையை குறைப்பதே நோக்கமாகும்.
வணிக நோக்கில் நாய்களை இனப்பெருக்கம் செய்யும் Breeding Centers கட்டாயமாக உரிமம் பெற வேண்டும். மேலும், உரிமம் பெற்ற இனப்பெருக்க நிலையம் இல்லாமல் வணிக நோக்கில் நாய்க்குட்டிகளை விற்பனை செய்வதற்கும் கட்டுப்பாடுகள் விதிக்கப்படவுள்ளன.
வெறிநாய்க்கடி நோயை நாட்டிலிருந்து முற்றாக ஒழிப்பதற்காக தேசிய அளவிலான ஆலோசனைக் குழு ஒன்றும், பிராந்திய அளவில் ஆலோசனைக் குழுக்களும் உருவாக்கப்பட உள்ளன. இக்குழுக்கள் வெறிநாய்க்கடி ஒழிப்பு நடவடிக்கைகளை ஒருங்கிணைத்து கண்காணிப்பதில் பங்காற்றும்.
இந்த சட்டமூலம் நிறைவேற்றப்பட்டால், தற்போது நடைமுறையில் உள்ள Rabies Ordinance – Chapter 476 | Dog Registration Ordinance – Chapter 477 ஆகிய சட்டங்கள் நீக்கப்பட்டு, நாய்கள் பதிவு மற்றும் வெறிநாய்க்கடி கட்டுப்பாடு ஆகியவற்றை ஒரே சட்டக் கட்டமைப்பின் கீழ் கொண்டுவரும் புதிய ஏற்பாடுகள் நடைமுறைக்கு வரும்.
