இன்றிரவு ரயிலில் பயணிக்கத் திட்டமிட்டுள்ள பயணிகளுக்கு முக்கிய அறிவிப்பு வெளியாகியுள்ளது.
ரயில்வே ஊழியர்களின் பணிப்புறக்கணிப்பை முன்னிட்டு, இன்று இரவு இயக்கப்படவிருந்த 7 ரயில் சேவைகள் இரத்து செய்யப்பட்டுள்ளன.
கொழும்பு கோட்டை ரயில் நிலையத்திலிருந்து காங்கேசன்துறை, திருகோணமலை மற்றும் மட்டக்களப்பு உள்ளிட்ட பகுதிகளுக்குச் செல்லவிருந்த சில இரவு தபால் ரயில் சேவைகளும் இதில் அடங்குகின்றன.
அத்துடன், கொழும்பு கோட்டையிலிருந்து இரவு 11 மணிக்கு ரம்புக்கணை நோக்கி புறப்படவிருந்த ரயில் சேவையும் இரத்து செய்யப்பட்டுள்ளதாக தெரிவிக்கப்பட்டுள்ளது.
இதன் காரணமாக, இன்று இரவு ரயிலில் பயணிக்கவுள்ளவர்கள் தங்களது பயணத் திட்டங்களை முன்கூட்டியே சரிபார்த்துக் கொள்ளுமாறும், தேவையான மாற்று போக்குவரத்து ஏற்பாடுகளை மேற்கொள்ளுமாறும் அறிவுறுத்தப்பட்டுள்ளனர்.
ரயில் சேவைகள் தொடர்பான மேலதிக தகவல்களை ரயில்வே திணைக்களத்தின் அதிகாரப்பூர்வ அறிவிப்புகள் மூலம் பெற்றுக்கொள்ளுமாறும் தெரிவிக்கப்பட்டுள்ளது.
