நடப்பாண்டில் இதுவரை இலங்கை முழுவதும் 95,035 டெங்கு நோய்த்தொற்றுகள் பதிவாகியுள்ளதுடன், டெங்கு தொடர்பான 72 மரணங்களும் பதிவாகியுள்ளதாக தேசிய டெங்கு கட்டுப்பாட்டுப் பிரிவு தெரிவித்துள்ளது.
ஓகஸ்ட் மாதத்தில் மட்டும் 9,699 டெங்கு நோய்த்தொற்றுகள் பதிவாகியுள்ளன.
மாகாண ரீதியில் மேற்கு மாகாணத்தில் அதிகபட்சமாக 50,287 நோய்த்தொற்றுகள் பதிவாகியுள்ளதுடன், தெற்கு மாகாணத்தில் 13,843, மத்திய மாகாணத்தில் 8,647 மற்றும் சபரகமுவ மாகாணத்தில் 7,808 நோய்த்தொற்றுகள் பதிவாகியுள்ளன.
மாவட்ட ரீதியில் கம்பஹாவில் அதிகபட்சமாக 20,248 நோய்த்தொற்றுகள் பதிவாகியுள்ள நிலையில், நாடு முழுவதும் 76 சுகாதார வைத்திய அதிகாரி பிரிவுகள் டெங்கு அதிக அபாயப் பகுதிகளாக அடையாளம் காணப்பட்டுள்ளன.
