மொன்றியல் பெருநகரப் பிராந்தியத்தின் (Montreal CMA) குடியிருப்பு வீட்டுச் சந்தை கடந்த மே மாதத்தில் மந்தநிலையைப் பதிவுசெய்துள்ளது.
கடந்த 2025ஆம் ஆண்டின் மே மாதத்துடன் ஒப்பிடுகையில், ஒட்டுமொத்த வீட்டு விற்பனைப் பரிவர்த்தனைகள் 7 சதவீதத்தினால் வீழ்ச்சியடைந்துள்ளதாக, கியூபெக் தொழில்முறை ரியல் எஸ்டேட் தரகர்கள் சங்கம் (QPAREB) வெளியிட்டுள்ள புதிய புள்ளிவிவரங்கள் தெரிவிக்கின்றன.
சந்தையில் வீடுகளின் விற்பனை அளவு குறைந்த போதிலும், தட்டுப்பாடு மற்றும் தேவையைக் கருத்திற்கொண்டு அனைத்து வகையான சொத்துகளின் சராசரி மத்திய விலைகளும் (Median Prices) தொடர்ந்து உயர்ந்து வருகின்றமை குறிப்பிடத்தக்கது.
மொன்றியல் ரியல் எஸ்டேட் சந்தையின் Centris தரவுத்தளத்தின்படி, கடந்த மே மாதத்தில் மொத்தம் 4,623 குடியிருப்பு வீடுகள் மட்டுமே கைமாறியுள்ளன.
இது கடந்த ஆண்டு இதே காலப்பகுதியில் பதிவான 4,962 விற்பனைகளுடன் ஒப்பிடுகையில் 6.8% சரிவாகும்.
மொன்றியல் பிராந்தியத்தில் அதிகரித்து வரும் வேலையின்மை வீதம் மற்றும் கியூபெக் மாகாணத்தின் புதிய குடியேற்றக் கட்டுப்பாடுகள் காரணமாக மக்கள் தொகை வளர்ச்சி தற்காலிகமாகக் குறைந்துள்ளமை போன்ற பொருளாதாரக் காரணிகளே, நுகர்வோர் மத்தியில் இந்தத் தயக்க நிலையை ஏற்படுத்தியுள்ளதாகச் சந்தை ஆய்வாளர்கள் சுட்டிக்காட்டுகின்றனர்.
