தமிழக முதலமைச்சர் சி. ஜோசப் விஜய் தலைமையிலான அமைச்சரவை இன்று அதிகாரப்பூர்வமாக விரிவாக்கம் செய்யப்பட்டது. காங்கிரஸ் கட்சியைச் சேர்ந்த இரண்டு சட்டமன்ற உறுப்பினர்கள் உட்பட மொத்தம் 23 புதிய அமைச்சர்கள் இந்த அமைச்சரவையில் இணைத்துக் கொள்ளப்பட்டனர்.
இதன் மூலம் தமிழகத்தில் ஒரு புதிய கூட்டணி ஆட்சி சகாப்தம் தொடங்கியுள்ளதோடு, சுமார் 59 ஆண்டுகளுக்குப் பிறகு காங்கிரஸ் கட்சி தமிழக அரசில் நேரடியாகப் பங்கெடுத்துள்ளது தமிழக வெற்றி கழகம் (TVK) தலைமையிலான இந்த ஆட்சியில் காங்கிரஸ் இணைந்ததன் மூலம் இது மாநிலத்தின் முக்கிய கூட்டணி அரசாக மாறியுள்ளது.
புதிய அமைச்சர்களுக்குத் தமிழக ஆளுநர் ராஜேந்திர விஸ்வநாத் அர்லேக்கர் பதவியேற்புப் பிரமாணமும் இரகசியக் காப்புப் பிரமாணமும் செய்து
வைத்தார். இந்த விரிவாக்கத்தின் மூலம் தமிழக அமைச்சரவையின் மொத்த உறுப்பினர்களின் எண்ணிக்கை 10 இலிருந்து 33 ஆக உயர்ந்துள்ளது.
இதேவேளை, விடுதலைச் சிறுத்தைகள் கட்சி (VCK) மற்றும் இந்திய யூனியன் முஸ்லிம் லீக் (IUML) ஆகிய கட்சிகளுக்கும் அமைச்சரவையில்
இணையத் திறந்தவெளி அழைப்பு விடுக்கப்பட்டுள்ளமை குறிப்பிடத்தக்கது.
