தமிழக சட்டமன்றத் தேர்தலில் 108 இடங்களை வென்று தனிப்பெரும் கட்சியாக உருவெடுத்துள்ள தமிழக வெற்றிக் கழகத்தின் தலைவர் விஜய், இன்று (07 மே 2026) காலை 2-வது முறையாகத் தமிழக ஆளுநர் ஆர்.வி. அர்லேகரைச் சந்தித்துப் பேசினார்.
சென்னை ராஜ்பவனில் சுமார் 40 நிமிடங்கள் நீடித்த இந்தச் சந்திப்பின் போது, தனிப்பெரும் கட்சி என்ற அடிப்படையில் தங்களை ஆட்சியமைக்க அழைக்க வேண்டும் என விஜய் முறைப்படி கோரிக்கை விடுத்தார்.
காங்கிரஸ் கட்சியின் 5 சட்டமன்ற உறுப்பினர்களின் ஆதரவோடு த.வெ.க-வின் பலம் தற்போது 113 ஆக உயர்ந்துள்ள நிலையில், பெரும்பான்மையை (118) நிரூபிப்பதற்கான கடிதங்களைச் சமர்ப்பிக்குமாறு ஆளுநர் கேட்டுக்கொண்டதாகத் தெரிகிறது.
முதலமைச்சராகப் பொறுப்பேற்ற பின்னர், சட்டசபையில் தனது பெரும்பான்மையை உரிய நேரத்தில் நிரூபிப்பேன் என விஜய் ஆளுநரிடம் உறுதியளித்துள்ளார். இந்தச் சந்திப்பைத் தொடர்ந்து, விஜய் பனையூரில் உள்ள தனது கட்சி அலுவலகத்திற்குப் புறப்பட்டுச் சென்றுள்ளார்.
