தனது கட்சி நாடாளுமன்ற உறுப்பினர் ஜமீல் ஜவானியின் (Jamil Jivani) பேச்சுடன் உடன்பட மறுப்பதாக, கன்சர்வேட்டிவ் கட்சித் தலைவர் பியர் பொய்லிவ்ரே பகிரங்கமாக அறிவித்துள்ளார்..
கன்சர்வேட்டிவ் எம்பி ஜமீல் ஜவானி சமீபத்தில் அமெரிக்கத் துணை அதிபர் ஜேடி வான்ஸ் (JD Vance) மற்றும் ட்ரம்ப் நிர்வாக அதிகாரிகளைச் சந்திக்க வாஷிங்டனுக்குத் தனிப்பட்ட முறையில் பயணம் மேற்கொண்டார்.
பின்னர் ஊடகமொன்றுக்கு அளித்த பேட்டியின்போது, அமெரிக்காவுடனான வர்த்தக மோதல் விவகாரத்தில், கனடா ஒரு “சிறுபிள்ளைத்தனமான பிடிவாத நடத்தையை” (Hissy fit) வெளிப்படுத்தியுள்ளதாக, ஜமீல் ஜவானி கருத்துத் தெரிவித்திருந்தார்.
இதனையடுத்து, செய்தியாளர்களிடம் பேசிய, கன்சர்வேட்டிவ் கட்சித் தலைவர் பியர் பொய்லிவ்ரே, ஜமீல் ஜவானியின் இந்த கருத்தை முற்றிலும் நிராகரித்தார்.
