ஒட்டாவாவின் இலகு ரயில் போக்குவரத்து சேவை, டன்னேய்ஸ் பாஸ்ட்யூர் (Tunney’s Pasture) மற்றும் லீஸ் (Lees) நிலையங்களுக்கு இடையேயான தனது சேவைகளை முழுமையாக மீண்டும் தொடங்கியுள்ளது.
கடந்த வெள்ளிக்கிழமை காலைப் போக்குவரத்து நேரத்தில் ஏற்பட்ட இந்த முக்கிய சேவை நிறுத்தம் பல மணி நேரம் நீடித்தது.
இந்தத் தடையின் காரணமாக நகரின் மையப்பகுதியில் போக்குவரத்து சார் தாமதங்களும், மாற்றுப் பேருந்துச் சேவைகளை பயன்படுத்த வேண்டிய அவசியமும் ஏற்பட்டது.
லியோன் நிலையத்திற்கு (Lyon station) அருகில் தண்டவாளத்தில் ஏற்பட்ட பராமரிப்புப் பிரச்சினை காரணமாகவே இந்த இலகு ரயில் போக்குவரத்து சேவை நிறுத்தப்பட்டமை குறிப்பிடத்தக்கது.
