உக்ரைன்-ரஷ்யா போரை முடிவுக்குக் கொண்டு வர, அமெரிக்காவின் மத்தியஸ்தத்துடன் ரஷ்ய அதிகாரிகளுடன் அபுதாபியில் புதிய சுற்றுச் சமாதானப் பேச்சுக்கள் ஆரம்பமாகியுள்ளன.
இந்த நிலையில், ரஷ்யா உக்ரைன் மீது செவ்வாய்க்கிழமை இரவு முழுவதும் ஏவுகணைகள் மற்றும் ட்ரோன்களைக் கொண்டு பாரிய தாக்குதல்களை
நடத்தியுள்ளது. இந்த தாக்குதலில் குறைந்தது ஆறு பேர் கொல்லப்பட்டனர் எனவும் மற்றும் பல குடியிருப்புகள், எரிசக்தி உள்கட்டமைப்புகள் சேதமடைந்தன எனவும் தெரிவிக்கப்படுகின்றது.
சுமார் நான்கு ஆண்டுகளாக நீடிக்கும் இந்தப் போரை முடிவுக்குக் கொண்டு வருவதற்கான இராஜதந்திர முயற்சிகள் ஒருபுறம் நடந்தாலும், உக்ரைன்
தலைநகர் கீவ் உள்ளிட்ட பகுதிகளில் நீர், மின்சாரம் மற்றும் வெப்ப விநியோகத்தை இத்தாக்குதல்கள் துண்டித்துள்ளன. கீவ் நகரின் த்னிப்ரோவ்ஸ்கி (Dniprovskyi) மாவட்டத்தில் உள்ள ஒன்பது மாடிக் குடியிருப்பு ஒன்றில் ஏற்பட்ட தீ விபத்தில் இரண்டு பேர் கொல்லப்பட்டதுடன் 5 பேர் காயமடைந்துள்ளனர்.
ஸ்வியடோஷினி (Sviatoshynyi) மாவட்டத்தில் உள்ள குடியிருப்பு அல்லாத கட்டிடத்தின் மீதான தொடர்ச்சியான தாக்குதலில் நான்கு பேர் கொல்லப்பட்டதுடன், மூன்று பேர் காயமடைந்தனர். ரஷ்யா 22 ஏவுகணைகளையும், 460-க்கும் மே ற்பட்ட ட்ரோன்களையும் ஒரே இரவில் ஏவியதாக உக்ரைன் அதிபர் வோலோடிமிர் செலென்ஸ்கி தெரிவித்தார்.
இதில் நான்கு ரஷ்ய ட்ரோன்கள் அண்டை நாடுகளான ருமேனியா மற்றும் மால்டோவாவிற்குள் அத்துமீறிப் பறந்ததாகவும் அவர் குறிப்பிட்டார்.
