ஒட்டாவாவில், சுமார் ஒரு வருடத்திற்கு முன்பு, தனது வீட்டில் ஏற்பட்ட தீவிபத்தில் இருந்து, புகையையும் தீப்பிழம்புகளையும் கடந்து சென்று தனது இளைய மகனைக் காப்பாற்றிய ஸ்டெஃபனி மெக்டூகல் (Stephanie McDougall) என்ற தாய்க்கு, அதிகாரப்பூர்வமாக வீரத்திற்கான கௌரவம் வழங்கப்பட்டது.
அவரது அபாரமான தைரியம் மற்றும் உயிரைக் காப்பாற்றும் செயலுக்காக, ஒட்டாவா தீயணைப்பு சேவை (OFS) அவருக்குச் சாதாரணமாக ஒரு குடிமகனுக்கு வழங்கப்படாத ஒரு சிறப்பு “சவால் நாணயத்தை” (Challenge Coin) வழங்கியுள்ளது.
2024 ஆம் ஆண்டு, டிசம்பர் 3 ஆம் திகதி அன்று அவரது மூன்று மாடி வீட்டில் ஏற்பட்ட தீ விபத்தில், மாற்றுத்திறனாளி மகனான 11 வயது மால்கம் (Malcolm) சிக்கிக்கொண்டார்.
மெக்டூகல் தயக்கமே இல்லாமல் தீயில் ஊர்ந்து சென்று, தனது உயிரைப் பணயம் வைத்து தமது மகன் சிக்கிக்கொண்ட இடத்தை அடைந்தார்.
சிறிது நேரத்தில் சம்பவ இடத்திற்கு வந்த தீயணைப்பு வீரர்கள், சமையலறைத் தரையில் மயங்கிக் கிடந்த தாயையும் மகனையும் மீட்டனர்.
இந்த வெற்றிகரமான மீட்புச் செயல் மெக்டூகலின் துணிச்சலான நடவடிக்கையால்தான் சாத்தியமானது என்று, ஒட்டாவா தீயணைப்புத் துறைத் தலைவர் பாராட்டினார்.
மெக்டூகல் தனது உயிரைப் பணயம் வைத்து மற்றவர்களைக் காப்பாற்றுவதற்கான “உயர்ந்த முன்னுதாரணம்” என்று ஒட்டாவா தீயணைப்புத் துறை தெரிவித்துள்ளது.
