பொலிஸார் தொடர்பான முறைப்பாடுகள் குற்றங்கள் மற்றும் பல்வேறு பிரச்சினைகள் குறித்து பொதுமக்கள் காவல்துறை தலைமையகத்தை நேரடியாகத் தொடர்பு கொள்ளக்கூடிய வகையில் அண்மையில் 071 8598 888 என்ற WhatsApp இலக்கம் அறிமுகப்படுத்தப்பட்டது.
இந்த WhatsApp இலக்கத்துக்கு இதுவரை சுமார் 7,000 முறைப்பாடுகள் கிடைத்துள்ளதாக காவல்துறை தெரிவித்துள்ளது.
பொலிஸார் தொடர்பான முறைப்பாடுகள் அதிகமாக முனவைக்கப்பட்டுள்ளதாக தகவல்கள் தெரிவிக்கின்றன.
காவல்துறை தொடர்பான அனைத்து முறைப்பாடுகள் குறித்தும் தற்போது விசாரணைகள் ஆரம்பிக்கப்பட்டுள்ளதாக தெரிவிக்கப்பட்டுள்ளது.
இதேவேளை பொலிஸார் தொடர்பான முறைப்பாடுகள் மட்டுமல்லாது வேறு முறைப்பாடுகளும் கிடைக்கப்பட்டுள்ளதாக தெரிவிக்கப்பட்டுள்ளது. எனவே, முறைப்பாடுகளை சமர்ப்பிக்கும் போது காவல்துறை தொடர்பான முறைப்பாடுகளை மாத்திரம் குறிப்பிடுமாறு பொதுமக்களிடம் கோரிக்கை விடுக்கப்பட்டுள்ளது.
