கொழும்பு – விஜேராம மாவத்தையில் அமைந்துள்ள தனது உத்தியோகபூர்வ இல்லத்தில் இருந்து முன்னாள் ஜனாதிபதி மஹிந்த ராஜபக்ச வெகுவிரைவில் செல்லவுள்ளதாக சகோதர மொழி ஊடகமொன்று செய்தி வெளியிட்டுள்ளது.
முன்னாள் ஜனாதிபதிகளின் உரிமைகளை நீக்குவது தொடர்பான சட்டமூலம் இன்று 150 மேலதிக வாக்குகளால் பாராளுமன்றத்தில் நிறைவேற்றப்பட்டது.
இதனைத்தொடர்ந்து, அவர் தனது இல்லத்தை அரசிடம் கையளித்து செல்லபோவதாகவும் அந்த செய்தியில் தெரிவிக்கப்பட்டுள்ளது.
முன்னாள் ஜனாதிபதிகளான மைத்திரிபால சிறிசேன மற்றும் சந்திரிகா பண்டாரநாயக்க குமாரதுங்க ஆகியோரும் புதிய சட்டத்தின் கீழ் தங்கள் உத்தியோகபூர்வ இல்லங்களை விட்டு வெளியேற வேண்டியிருக்கும் எனவும் அந்த செய்தியில் சுட்டிக்காட்டப்பட்டுள்ளது.
இந்த சட்டமூலம், முன்னாள் ஜனாதிபதிகள் தற்போது ஆக்கிரமித்துள்ள அரச சொத்துக்களை அரச பயன்பாட்டிற்காக மறு ஒதுக்கீடு செய்யும் அதே வேளையில், ஓய்வூதிய பலன்களைப் பாதுகாக்கும் எனவும் குறிப்பிடப்பட்டுள்ளது,
