அல்பேட்டாவில், யுனைடெட் கன்சர்வேடிவ் கட்சி (UCP) யின் இரண்டு முன்னாள் சட்டசபை உறுப்பினர்களான (MLAs) – பீட்டர் கத்ரி (Peter Guthrie) மற்றும் ஸ்காட் சின்க்ளேர் (Scott Sinclair) ஆகிய இருவரும் ஒரு புதிய கட்சியைத் தொடங்குவதற்கான தங்கள் திட்டங்களைக் கைவிட்டுள்ளனர்.
அதற்கு பதிலாக, அவர்கள் மையவாத அல்பர்ட்டா கட்சியில் (Alberta Party) இணைந்து, அதன் பெயரை “புரோகிரசிவ் கன்சர்வேடிவ்ஸ்” (Progressive Conservatives – PCs) என மாற்றுவதற்கான விண்ணப்பத்தை தேர்தல் அல்பர்ட்டாவிடம் (Elections Alberta) தாக்கல் செய்யவுள்ளனர்.
இந்த நடவடிக்கை, யுனைடெட் கன்சர்வேடிவ் கட்சியுடன் சட்டப் போராட்டங்களைத் தவிர்த்து, விரைவாக ஒரு அங்கீகரிக்கப்பட்ட கட்சியாக மாற அவர்களுக்கு உதவும் என எதிர்பார்க்கப்படுகிறது.
பீட்டர் கத்ரி மற்றும் ஸ்காட் சின்க்ளேர் இருவரும் இந்த வசந்த காலத்தில் யுனைடெட் கன்சர்வேடிவ் கட்சித் தலைமையால் தனித்தனியாக நீக்கப்பட்டனர்.
சுகாதார ஒப்பந்தங்கள் குறித்து பொது விசாரணை கோரியதால் கத்ரியும், மாகாண வரவுசெலவுத் திட்டத்திற்கு எதிராக வாக்களிப்பதாக கூறியதால் சின்க்ளேரும் கட்சியை விட்டு நீக்கப்பட்டமை குறிப்பிடத்தக்கது.
