கனடாவின் ஒன்ராறியோ மாகாணத்தின் ஸ்டிட்ஸ்வில்லி (Stittsville) நகரில் நேற்று மாலை இடம்பெற்ற விபத்தில், சைக்கிள் ஓட்டிச் சென்ற பெண் ஒருவர் படுகாயமடைந்துள்ளார்.
உயிருக்கு ஆபத்தான நிலையில் அவர் மருத்துவமனைக்கு கொண்டு செல்லப்பட்டதாக ஒட்டாவா அவசர சேவைப் பிரிவினர் தெரிவித்துள்ளனர்.
நேற்று மாலை 5 மணிக்கு சற்று முன்னதாக, ஸ்வீட்நாம் டிரைவ் (Sweetnam Drive) மற்றும் கிரானைட் ரிட்ஜ் (Granite Ridge) சந்திப்புப் பகுதியில் இந்த விபத்து இடம்பெற்றது.
வாகனத்தால் மோதப்பட்டதில் வயது வந்த பெண் சைக்கிள் ஓட்டுநர் ஒருவருக்கு உயிருக்கு ஆபத்தான காயங்கள் ஏற்பட்டுள்ளன.
அவசர சேவைப் பிரிவினர் சம்பவ இடத்திற்கு விரைந்து வந்து, படுகாயமடைந்த அப்பெண்ணை உடனடியாக மருத்துவமனைக்குக் கொண்டு சென்றனர்.
அவரது நிலைமை கவலைக்கிடமாக இருப்பதாக ஒட்டாவா அவசர சேவைப் பிரிவின் செய்தித் தொடர்பாளர் மார்க்-அன்டோயின் டெஷாம்ப் (Marc-Antoine Deschamps) தெரிவித்துள்ளார்.
இந்த விபத்து காரணமாக, ஸ்வீட்நாம் டிரைவ் பகுதி, ஹாரி டக்ளஸ் டிரைவ் (Harry Douglas Drive) முதல் ஹேசல்டீன் சாலை (Hazeldean Road) வரை ஒட்டாவா காவல்துறையினரால் மூடப்பட்டது.
