விம்பிள்டன் கிராண்ட்ஸ்லாம் டென்னிஸ் தொடரின் மகளிர் ஒற்றையர் பிரிவில், போலந்தின் இகா ஸ்வியாடெக் அமெரிக்க வீராங்கனை அமாண்டா அனிசிமோவாவை 6-0, 6-0 என்ற கணக்குகளில் வீழ்த்தி சம்பியன் பட்டம் வென்றார். விம்பிள்டனில் முதல்முறையாக இறுதிச்சுற்றை அடைந்த ஸ்வியாடெக், ஒட்டுமொத்தமாக தனது 6ஆவது கிராண்ட்ஸ்லாம் சம்பியன்ஷிப் பட்டத்தை வென்றார்.
2024-இல் ‘ஹாட்ரிக்’ பிரெஞ்சு ஓபன் சம்பியனான ஸ்வியாடெக், அதன் பிறகு எந்தவொரு போட்டியிலுமே வெற்றி பெறவில்லை. இந்த நிலையில், தாம் அவ்வளவாக மிளிராத புல்தரை போட்டியான விம்பிள்டனில் அவர் இறுதிச்சுற்றுக்கு பங்கேற்றார். விம்பிள்டன் பட்டம் வென்ற முதல் போலந்து வீராங்கனை என்ற பெருமையையும் பெற்றுள்ளார்.
