ஈலோன் மஸ்க்குக்குச் சொந்தமான SpaceX நிறுவனம் பல வெற்றிகரமான விண்வெளி ஆய்வுகளைச் செய்துவருகிறது. தனியார் நிறுவனமாக இருந்தாலும் Nasaவுக்கு நிகராகச் செயற்பட்டு வருகிறது.
இந்நிலையில் SpaceX நிறுவனம் வெற்றிகரமாக 28Starlink செயற்கைக்கோள்களை விண்ணுக்குச் செலுத்தியுள்ளது.
அமெரிக்காவின் ஃப்ளோரிடா மாநிலத்தின் Cape Canaveral Space Force Station-இல் உள்ள Launch Complexஇல் இருந்து SpaceX நிறுவனத்தின் Falcon 9 விண்கலம் அண்மையில் செலுத்தப்பட்டது.
உலகளாவிய உயர்தர இணைய வசதியை வழங்கும் நோக்கில், இவை SpaceX இன் Mega Constellation-இல் இணைக்கப்படுகின்றன. இதன்மூலம், வாடிக்கையாளர்கள் இணைய இணைப்பை வேகமாக தங்கு தடையின்றிப் பெற முடியும்.
இந்த ஆண்டு, இது SpaceX நிறுவனத்தின் 51ஆவது Starlinkபணி மற்றும் 34-ஆவது Falcon 9 Rocket ஏவுதல் ஆகும்.
மேலும், 2025-இல் இரண்டு Starship சோதனைகளும் இடம்பெற்றுள்ளன. இது SpaceX நிறுவனத்தின் வேகமான வளர்ச்சி மற்றும் வணிக விண்வெளி முயற்சிகளை வெளிப்படுத்துகிறது.
உலக அளவில் பிரபலமான பல நிறுவனங்களுக்கு உரிமையாளராக இருக்கும் ஈலோன் மஸ்க் , Starlink சேவையின் மூலமாக ஆசிய நாடுகளிலும் கால்தடம் பதித்து வருகின்றார் என்பது குறிப்பிடத்தக்கது.
