பெருகி வரும் யூத வெறுப்பு காரணமாக சில யூத வாக்காளர்களின் ஆதரவு, எதிர்வரும் தேர்தலில் கன்சர்வேடிவ் கட்சியை நோக்கி திரும்பும் வாய்ப்புள்ளதாக, தகவல்கள் தெரிவிக்கின்றன.
கனடாவில் உள்ள யூதர்கள் லிபரல் கட்சிக்கு அளித்துவந்த தமது ஆதரவினை, தற்போது கன்சர்வேடிவ் கட்சிக்கு அளிக்கவுள்ளதாக, சமீபத்திய ஆய்வு காட்டுகிறது.
யூத சமூகத்திற்கான ஆதரவை கன்சர்வேடிவ் கட்சி வெளிப்படுத்தியுள்ள நிலையின் பின்னணியிலேயே, இந்த ஆதரவு மாற்றத்துக்கான சாத்தியம் ஏற்பட்டுள்ளது.
கனடாவில் யூத வெறுப்பு அதிகரித்து வருவதை புள்ளிவிவரங்கள் காட்டுகின்றன.
2022 ஆம் ஆண்டு மற்றும் 2023 ஆம் ஆண்டுக்கு இடையில் யூதர்களை இலக்காகக் கொண்ட வெறுப்புக் குற்றங்கள் 71 சதவீதம் அதிகரித்துள்ளதாக கனடாவின் புள்ளிவிவரத்துறை தெரிவித்துள்ளது.
அக்டோபர் 7 தாக்குதல்கள் மற்றும் இஸ்ரேல்-ஹமாஸ் இடையிலான போருக்குப் பின்னரே, இடையில் யூதர்களை இலக்காகக் கொண்ட வெறுப்புக் குற்றங்களில் மிகப்பெரிய அதிகரிப்பு அவதானிக்கப்பட்டது.
இதேவேளை, கனடாவில் அமைந்துள்ள பல யூத பாடசாலைகள்கள் மற்றும் யூத ஜெப ஆலயங்கள் முதலானவை, தங்களுக்கான பாதுகாப்பை அதிகரிக்குமாறு அரசாங்கத்தை வேண்டியுள்ளன
