கனடா, பின்லாந்து, ஸ்வீடன் மற்றும் அமெரிக்காவை பிரதி நிதித்துவப்படுத்தும் அணிகள் கலந்து கொண்ட ஹாக்கி போட்டியின் இறுதி போட்டியில் அமெரிக்க அணியினை எதிர்த்து விளையாடிய கனடிய அணி 3 – 2 கோல் கணக்கில் வெற்றி பெற்றது. மிகவும் கடுமையாக நடைபெற்ற இறுதி போட்டியில் கானர் மேக்டேவிட் கூடுதல் நேரத்தில் 8:18 மணிக்கு கோல் அடித்து கனடிய அணியின் வெற்றியை உறுதி செய்தார்.
வட அமெரிக்க விளையாட்டு உலகின் கவனத்தை ஈர்த்த சாம்பியன்ஷிப் ஆட்டம் அமெரிக்கா மற்றும் கனடா ஆகிய நாடுகளுக்கு இடையே அதிகரித்த அரசியல் பதட்டங்களின் பின்னணியில் நடைபெற்ற நிலையில் போட்டி நடைபெற முன்னர் அமெரிக்கா ஜனாதிபதி கனடாவை மீண்டும் அமெரிக்காவின் 51ஆவது மாகாணம் என்று ட்விட்டரில் பதிவிட்டு மீண்டும் சர்சையை கிளப்பியது அரசியல் தளத்தில் பேசுபொருளாக மாறியுள்ளது.
அதனை தொடர்ந்து போட்டியில் கனடிய அணி வெற்றி பெற்ற நிலையில் கனடிய பிரதமர் ஜஸ்டின் ரூடோ ”நீங்கள் எங்கள் நாட்டை எடுக்க முடியாது – மேலும் எங்கள் விளையாட்டை நீங்கள் எடுக்க முடியாது” என ட்விட்டரில் எதிர் பதிவிட்டு அமெரிக்கா ஜனாதிபதி டிரம்க்கு தனது எதிர்ப்பினை தெரிவித்தார்.
