சுரக்காய் ஜூஸ் தினமும் குடிப்பதால் தொப்பை பிரச்சனை முழுமையாக சரியாவதுடன் பைல்ஸ் பிரச்சனைக்கும் தீர்வு கிடைக்கும். சுரக்காய் பொறியல், குழம்பு வைத்து சாப்பிட்ட நீங்கள், சுரக்காய் ஜூஸ் போட்டு குடிக்கலாம் என்பது தெரியுமா?. ஆம், சுரக்காய் ஜூஸ் போட்டு குடிக்கலாம். பச்சையாகவே அரைத்து ஜூஸ் குடிப்பதன் மூலம் ஏராளமான ஆரோக்கிய நன்மைகள் கிடைக்கும். குறிப்பாக தொப்பை பிரச்சனை, நீரிழிவு மற்றும் பைல்ஸ் பிரச்சனை இருப்பவர்களுக்கு நல்ல உணவு இது. ஆரோக்கியமான உணவை எடுத்துக் கொண்டாலே இந்த பிரச்சனை எல்லாம் தீர்த்துவிடலாம் என்பதால், அதில் சுரக்காய் ஜூஸ் (Suraikai Juice) குடிப்பதற்கு முன்னுரிமை கொடுக்கும்போது கூடுதல் நன்மைகள் கிடைக்கும் என்பதை தெரிந்து கொள்ளுங்கள்.
உலகிலேயே அதிகமானோர் தொப்பை கொண்டிருக்கும் நாடுகளில் ஒன்றாக இந்தியா இருக்கிறது. நீரிழிவு, கல்லீரல் பிரச்சனைகள் அதிகமானோர் பாதிக்கப்படும் நாடாகவும் இந்தியா இருக்கும் நிலையில், இதற்கான காரணங்களை மருத்துவர்கள் அடிக்கோடிட்டு சுட்டிக் காட்டுகின்றனர். மோசமான வாழ்க்கை முறை, உணவுப் பழக்க வழக்கம், உடற்பயிற்சியின்மை ஆகியவையே இந்த பிரச்சனைகளுக்கு மிக முக்கிய காரணம் என்றும் மருத்துவர்கள் தெரிவிக்கிறார்கள். அத்தகைய சூழ்நிலையில், தினமும் சுரக்காய் ஜூஸ் குடிப்பதால் என்னென்ன நன்மைகள் கிடைக்கும் என்பதை தெரிந்து கொள்ளுங்கள்.
கொலஸ்ட்ரால்
தினமும் சுரைக்காய் சாறு குடிப்பதால் கெட்ட கொலஸ்ட்ராலை கட்டுப்படுத்தி நல்ல கொலஸ்ட்ராலை அதிகரிக்கிறது. இந்த ஜூஸில் குறைந்த கலோரிகள் மற்றும் அதிக நார்ச்சத்து உள்ளது, இது கொலஸ்ட்ராலை கட்டுப்படுத்தி இதய ஆரோக்கியத்தை மேம்படுத்துகிறது.
உடல் பருமன்
அதிக எடை உள்ளவர்கள் தினமும் இந்த ஜூஸை உட்கொள்ள வேண்டும். இந்த ஜூஸை உட்கொள்வதால் வயிறு நீண்ட நேரம் நிரம்பியிருப்பதோடு, உணவின் மீதான ஆசையும் கட்டுக்குள் இருக்கும். இந்த சாற்றில் கலோரிகளின் அளவு குறைவாக உள்ளது, இது எடை இழப்புக்கு பயனுள்ளதாக இருக்கும்.
சரும ஆரோக்கியம்
சுரைக்காய் சாற்றை உட்கொள்வதால் உடலில் உள்ள நச்சுக்கள் வெளியேறி சருமத்தை ஆரோக்கியமாக வைக்கிறது. இந்த சாறு சருமத்தை ஈரப்பதமாக்குகிறது மற்றும் தோல் தொடர்பான பிரச்சனைகளை நீக்குகிறது. இதனை உட்கொள்வதால் சருமம் பொலிவு பெறும்.
சர்க்கரை நோய்
சுரைக்காய் சாறு சாப்பிட்டால் சர்க்கரை நோயைக் கட்டுக்குள் வைத்திருக்கும். இந்த சாறு இரத்தத்தில் சர்க்கரை அளவை அதிகரிக்க அனுமதிக்காது.
பைல்ஸ்
சுரைக்காய் சாறு உட்கொள்வதால் பைல்ஸ் பிரச்சனை குணமாகும். இந்த சாறு நார்ச்சத்து நிறைந்தது மற்றும் குளிர்ச்சியானது. இதனை தினமும் உட்கொள்வதால் செரிமானம் மேம்படும் மற்றும் குடல் இயக்கம் எளிதாகும். மலச்சிக்கலுக்கு சிகிச்சையளிக்கும். இந்த சாறு, பைல்ஸ் அறிகுறிகளைக் கட்டுப்படுத்துகிறது.
